ಅಂದು ಒಮ್ಮೆ...

ಅಂದು ಒಮ್ಮೆ ಸುಮ್ಮನೆ
ಕದ್ದು ನೋಡಿ ನಿನ್ನನೆ
ಕಳೆದುಕೊಂಡೆ ನನ್ನೇ ನಾನು
ಮೆಲ್ಲ ಮೆಲ್ಲನೆ |ಅಂದು|

ಯಾರು ಯಾರು ಯಾರು ನೀನು ಹೇಳಬಾರದೆ
ನಾನೇ ನೀನು ನೀನೇ ನಾನು ಯಾಕೆ ಕೇಳಿದೆ |೨|
ನನ್ನೇ ಮರೆತು ಯಾಕೋ ನಿನ್ನ ಹಾಗೆ ಕೇಳಿದೆ |ಅಂದು|

ಯಾಕೋ ಏನೋ ಈಗ ನಂಗೆ ಏನೋ ಆಗಿದೆ
ಈಗ ಈಗ ನಂಗೂ ಕೂಡ ಹಾಗೇ ಆಗಿದೆ |೨|
ಹೇಳಲಾಗದಂತದೇನೋ ಆಗಿ ಹೋಗಿದೆ |ಅಂದು|


ಚಿತ್ರ: ಕೆಂಪ

ಗೊಲ್ಲಯ್ಯ ಗೊಲ್ಲಯ್ಯ...

ಗೊಲ್ಲಯ್ಯ ಗೊಲ್ಲಯ್ಯ ಗೋವೆಲ್ಲ ಎಲ್ಲಯ್ಯ
ಊದಯ್ಯ ಊದಯ್ಯ ಕೊಳಲನ್ನ ಊದಯ್ಯ
ಗೋವೆಲ್ಲ ಓಡೋಡಿ ಓಡೋಡಿ ಬರುತಾವೊ
ಕುಣಿಬಾರೊ ತಾನಿ ತಂದಾನೋ
ಕುಣಿಬಾರೊ ತಾನಿ ತಂದಾನೋ |ಗೊಲ್ಲಯ್ಯ|

ಕುಂಬಾರ ಹೇಳು ನಂಗೆ
ತಿರುಗಾಣಿ ತಿರುಗೋದು ಹೆಂಗೆ |೨|
ತುಂಡಾದ ಚಂದ್ರನ ಹಂಗೆ
ಮಡಿಕೇನ ಮಾಡೋದು ಹೆಂಗೆ
ಆ ಬಾನಲ್ಲಲ್ಲಲ್ಲಲ್ಲಿ ಹಲವು ಸಣ್ಣ
ಚಂದಿರನ ನಾವಿಡೋಣ ಬಾ
ಕುಣಿಯೋಣ ತಾನಿ ತಂದಾನೋ
ಕುಣಿಯೋಣ ತಾನಿ ತಂದಾನೋ |ಗೊಲ್ಲಯ್ಯ|

ಬಾರಯ್ಯ ಬಳೆಗಾರಣ್ಣ
ತೋರಯ್ಯ ಮಲಹಾರನ |೨|
ಬಳೆಗಿಂತ ಬಣ್ಣ ಬಣ್ಣ
ನೀ ಆಡೋ ಮಾತು ಚೆನ್ನ
ಆ ಮಳೆ ಬಿಲ್ಲ ಬಳೆ ತರುತೀಯೇನೋ
ತೊಡುವೆನೇನೋ ಈ ಚಕೋರಿಗೆ
ಕುಣಿಯೋಣ ತಾನಿ ತಂದಾನೋ
ಕುಣಿಯೋಣ ತಾನಿ ತಂದಾನೋ |ಗೊಲ್ಲಯ್ಯ|


ಚಿತ್ರ: ಕೆಂಪ