ಎಲ್ಲೆಲ್ಲೋ ಓಡುವ ಮನಸೆ..

ಎಲ್ಲೆಲ್ಲೋ ಓಡುವ ಮನಸೆ
ಯಾಕಿಂಥ ಹುಚ್ಚುಚ್ಚು ವರಸೆ
ಇಲ್ಲದ ಸಲ್ಲದ ತರಲೆ
ಹೋದಲ್ಲಿ ಬಂದಲ್ಲಿ ತರವೆ
ಹರುಷವ ಮುಂದಿಡುವೆ ವ್ಯಸನವ ಬೆಂಬಿಡುವೆ
ಬಂದರೂ ಅಳುವೂ ನಗಿಸಿ ನಲಿವ ಮನವೆ |

ನಾನೂ ನನ್ನದೆನ್ನುವ ನಿನ್ನಯ ತರ್ಕವೇ ಬಾಲಿಶ
ಎಲ್ಲ ಶೂನ್ಯವೆನ್ನುವ ನಿನ್ನಯ ವರ್ಗವೇ ಅಂಕುಶ
ಕಲ್ಮಷ ನಿಷ್ಕಲ್ಮಷ ಥರ ಥರ ನಿನ್ನ ವೇಷ
ದ್ವಾದಶಿ ಏಕಾದಶಿ ಎಲ್ಲ ನಿನ್ನ ಖುಷಿ
ಇದ್ದರೂ ಜೊತೆಗೆ ದೂರ ಇರುವ ಮನವೇ |

ಬೇಕು ಬೇಡ ಎನ್ನುವ ಗೊಂದಲ ಸೃಷ್ಟಿಸೋ ಮಾಯೆ ನೀ
ತಪ್ಪು ಒಪ್ಪು ಎಲ್ಲವ ತೋರುವ ಕಾಣದ ಛಾಯೆ ನೀ
ಕಲ್ಪನೆ ಬರಿ ಕಲ್ಪನೆ ವಿಧ ವಿಧ ನಿನ್ನ ತಾಣ
ಬಣ್ಣನೆ ಬದಲಾವಣೆ ಎಲ್ಲ ನಿನ್ನ ಹೊಣೆ
ಕಂಡರೂ ಸಾವೂ ಬದುಕು ಎನ್ನುವ ಮನವೇ |


ಚಿತ್ರ: ಸಿದ್ಲಿಂಗು