ಹೂವಿನ ಬಾಣದಂತೆ..

ಆಆಆ.. ಆಆಆ.. ಆಆಆ.. ಆಆಆಆ
ಹೂವಿನ ಬಾಣದಂತೆ ಯಾರಿಗೂ ಕಾಣದಂತೆ ಹಾಡಿನ ಸಾಲಿನಲ್ಲಿ
ಮೂಡುವ ಪ್ರಾಣದಂತೆ ಚೇತನವಾದೆ ನೀನು
ಆಆಆ.. ಆಆಆ.. ಆಆಆ.. ಆಆಆಆ

ಹೂವಿನ ಬಾಣದಂತೆ ಯಾರಿಗೂ ಕಾಣದಂತೆ ಹಾಡಿನ ಸಾಲಿನಲ್ಲಿ
ಮೂಡುವ ಪ್ರಾಣದಂತೆ ಚೇತನವಾದಂತೆ ನೀನೆ ನೀನು
ನೂತನಳಾದಂತೆ ನಾನೆ ನಾನು ನೀ ಬಂದ ಮೇಲೆ ಬಾಕಿ ಮಾತೇನು
ಆಆಆ.. ಆಆಆ.. ಆಆಆ.. ಆಆಆಆ

ಸಾಲದು ಇಡೀ ದಿನ.. ಜರೂರಿ ಮಾತಿಗೆ..
ಕಾದಿದೆ ಸದಾ ಮನ ಅಪಾರ ಪ್ರೀತಿಗೆ.. ಓ..
ಮಾಡ ಬೇಕಿಲ್ಲ ಹಾಡಿಗೆಳೆ ಸಾಕು ನೀನೀಗ ಬಂದರೇನೆ
ಅಗೋಚರ.. ಆಗೋಚರ ನಾ ಕೇಳ ಬಲ್ಲೆ ನಿನ್ನ ಇಂಚರ
ಆಆಆ.. ಆಆಆ.. ಆಆಆ.. ಆಆಆಆ

ಪ್ರೀತಿಯ ನಿರೂಪಣೆ ಇದೀಗ ಮಾಡಿದೆ
ಕಾಯಿಸಿ ಸತಾಯಿಸಿ ಅದೇಕೆ ಕಾಡಿದೆ.. ಓ..
ಸ್ವಪ್ನವಾ ತಂದ ನೌಕೆ ನೀನು
ಸುಪ್ತವಾದಂಥ ತೀರ ನಾನು
ಅನಾಮಿಕಾ.. ಅನಾಮಿಕಾ ಈ ಯಾನಕ್ಕೀಗ ನೀನೆ ನಾವಿಕ


ಚಿತ್ರ: ಬಿರುಗಾಳಿ.

ಎಲ್ಲೋ ಮಳೆಯಾಗಿದೆಯೆ೦ದು...

ಎಲ್ಲೋ ಮಳೆಯಾಗಿದೆಯೆ೦ದು ತ೦ಗಾಳಿಯು ಹೇಳುತಿದೆ
ಇಲ್ಲೇ ಒಲವಾಗಿದೆಯೆ೦ದು ಕನಸೊ೦ದು ಬೀಳುತಿದೆ
ವ್ಯಾಮೋಹವ ಕೇವಲ ಮಾತಿನಲಿ ಹೇಳಲು ಬರಬಹುದೇ
ನಿನ್ನ ನೋಡಿದ ಮೇಲೆಯೂ ಪ್ರೀತಿಯಲಿ ಬೀಳದೆ ಇರಬಹುದೇ || ಎಲ್ಲೋ ||

ಕಣ್ಣಲಿ ಮೂಡಿದೆ ಹನಿಗವನ, ಕಾಯಿಸಿ ನೀ ಕಾಡಿದರೆ
ನೂತನ ಭಾವದ ಆಗಮನ, ನೀ ಬಿಡದೇ ನೋಡಿದರೆ
ನಿನ್ನ ಧ್ಯಾನದಿ ನಿನ್ನದೇ ತೋಳಿನಲಿ ಹೀಗೆಯೇ ಇರಬಹುದೇ
ಈ ಧ್ಯಾನವ ಕ೦ಡರೆ ದೇವರಿಗೂ ಕೋಪವು ಬರಬಹುದೇ || ಎಲ್ಲೋ ||

ನೆನಪಿನ ಹೂಗಳ ಬೀಸಣಿಕೆ, ನೀ ಬರುವ ದಾರಿಯಲಿ
ಓಡಿದೆ ದೂರಕೆ ಬೇಸರಿಕೆ, ನೀನಿರುವ ಊರಿನಲಿ
ಅನುಮಾನವೇ ಇಲ್ಲದೆ ಕನಸಿನಲಿ ಮೆಲ್ಲಗೆ ಬರಬಹುದೇ
ಅಲೆಮಾರಿಯ ಹೃದಯದ ಡೇರೆಯಲಿ ನೀನು ಇರಬಹುದೇ || ಎಲ್ಲೋ ||


ಚಿತ್ರ: ಮನಸಾರೆ

ನಡೆದಾಡುವ ಕಾಮನಬಿಲ್ಲು...

ನಡೆದಾಡುವ ಕಾಮನಬಿಲ್ಲು
ಉಸಿರಾಡುವ ಗೊಂಬೆಯು ಇವಳು
ಸಿಗಲಾರಳು ಹೋಲಿಕೆಗೆ ಇವಳು
ಏನೆಂದರೂ ಸುಂದರ ಸುಳ್ಳು |||ನಡೆದಾಡುವ|||

ನಡೆದಾಡುವ ಕಾಮನಬಿಲ್ಲು

ನಕ್ಕರೆ ಸೇರಿದ ಹಾಗೆ ಸಾವಿರ ಶುಭ ಶಕುನ
ಮಾತಿನ ಲಹರಿಯೆ ಒಂದು ಸುಂದರ ಸವಿಗಾನ ||ನಕ್ಕರೆ||
ಬೆಳ್ಳಿಮೋಡ ಇವಳ ಮನಸು ಮನಸು
ಮಿಂಚು ಬಳ್ಳಿ ಅಂದದ ಮುನಿಸು
ಸ್ವರ್ಗದಲ್ಲೂ ಇರದ ಸೊಗಸು ಸೊಗಸು
ಮಾರುತ್ತಾಳೆ ಮಾಯದ ಕನಸು
ಪದೆ ಪದೆ ಪದೆ ಪದೆ ಆರೆರೆ
ಮರುಳಾದೆ ನೋಡಿ ಇವಳೆಂಥ ಮೋಡಿ ||ನಡೆದಾಡುವ||

ದೀಪದ ಕಣ್ಣುಗಳಲ್ಲಿ ಹುಣ್ಣಿಮೆ ಪ್ರತಿಕ್ಷಣವು
ಕೆನ್ನೆಯ ದಿಣ್ಣೆಗಳಲ್ಲಿ ಮುಗಿಯದ ಮುಂಜಾವು ||ದೀಪದ||
ಹೆಜ್ಜೆ ಹಾಕೊ ಇವಳ ನಯಕೆ ನಯಕೆ
ಭೂಮಿಗೂನು ಪುಳಕದ ಜಳಕ
ಬಾನಿನಿಂದ ಕೆಳಗೆ ಇಣುಕಿ ಇಣುಕಿ
ದೇವರಿಗೂ ನೋಡುವ ತವಕ
ಸವಿ ಸವಿ ಸವಿ ಸವಿ ಅಹ್ಹಹಾ
ಈ ಹುಡುಗಿ ಇದೇನೊ ಶರಣಾದೆ ನಾನು |||ನಡೆದಾಡುವ|||


ಚಿತ್ರ: ಪರಿಚಯ

ನೀ ನನ್ನ...

ನೀ ನನ್ನ ಉಸಿರಾಗಬೇಡ
ಉಸಿರು ನಿಲ್ಲುವುದು ಒಂದು ದಿನ
ನೀ ನನ್ನ ಕಣ್ಣಾಗಬೇಡ
ಕಣ್ಣು ಮುಚ್ಚುವುದು ಒಂದು ದಿನ
ಪ್ರೀತಿಯೇ ಅಮರ ಬೇರೆಲ್ಲ ನಶ್ವರ
ಓ ನನ್ನ ಪ್ರೀತಿಯೇ.. ಓ ನನ್ನ ಪ್ರೀತಿಯೇ ||ನೀ ನನ್ನ||

ಚಂದಿರನಾಗದಿರು ಅದು ಕರಗುವುದು
ಸಾಗರವಾಗದಿರು ಅದು ಕೆರಳುವುದು
ಇಬ್ಬನಿಯಾಗದಿರು ಅದು ಆರವುದು
ಮಳೆಹನಿಯಾಗದಿರು ಅದು ಚೆಲ್ಲುವುದು
ಅಂದೂ ಇಂದೂ ಮುಂದೂ ನನ್ನವಳಾಗು ಎಂದೂ
ಓ ನನ್ನ ಪ್ರೀತಿಯೇ ||ನೀ ನನ್ನ||

ನೀ ಹೂವಾಗದಿರು ಅದು ಬಾಡುವುದು
ನೀ ಹಾಡಾಗದಿರು ಅದು ಮುಗಿಯುವುದು
ನೀ ಮುತ್ತಾಗದಿರು ಅದು ಸವೆಯುವುದು
ನೀ ಮತ್ತಾಗದಿರು ಅದು ಇಳಿಯುವುದು
ಅಂದೂ ಇಂದೂ ಮುಂದೂ ನನ್ನವಳಾಗು ಎಂದೂ
ಓ ನನ್ನ ಪ್ರೀತಿಯೇ ||ನೀ ನನ್ನ||


ಚಿತ್ರ: ಬೆಳದಿಂಗಳಾಗಿ ಬಾ.

Nokia X3 n X6

Nokia introduces new touchscreen smart phones with model numbers X3 and X6. See this blog for more info and pictures.

ಅಮ್ಮ ಅಮ್ಮ ನನ್ನಮ್ಮ..

ತಂದಾನೆ.. ಓ..
ತಂದಾನೆ ತಾನೇನಾನಿ ತಾನಾನಾನಾನೋ
ಆರಿರಾರಿರೋ ಆರಿ ರಾರಿರಾರಿರೋ
ಆರಿರಾರಿರೋ ರಾರಿ ರಾರಿರಾರಿರೋ

ಅಮ್ಮ ಅಮ್ಮ ಅಮ್ಮ ನನ್ನಮ್ಮ
ನನ್ನ ಬಿಟ್ಟು ಎಲ್ಲಿ ಹೋದೆಮ್ಮ
ಕೋಟಿ ದೈವ ನಿನ್ನ ಮುಂದೆ ಬೇಡವೇ ಬೇಡಮ್ಮ
ದಾಟಿ ಬಂದು ನೂರು ಗೋಡೆ ನನ್ನನು ನೋಡಮ್ಮ, ಜೋಗುಳ ಹಾಡಮ್ಮ
ಅಮ್ಮ ಅಮ್ಮ ಅಮ್ಮ ನನ್ನಮ್ಮ
ನನ್ನ ಬಿಟ್ಟು ಎಲ್ಲಿ ಹೋದೆಮ್ಮ

ಕೊಡೋರಿಲ್ಲ ಕೈ ತುತ್ತು ಇಡೋರಿಲ್ಲ ಹೂ ಮುತ್ತು
ತೊಡೆ ಮೇಲೆ ಕೂಸಾಗೋ ಮಹಾಭಾಗ್ಯ ಮಣ್ಣಾಯ್ತು
ನೀನಿಲ್ಲದ ಕಾರಣ ನನ್ನಮ್ಮ ಹೂವಿಲ್ಲದ ನಾರು ನಾ
ಓಡೋಡಿ ಬಾ ತಾಯಿಯೇ ಕೇಳೋಕೆ ನೋಡೋಕೆ ಈ ಕಂದನ, ಆಕ್ರಂದನ
ಅಮ್ಮ ಅಮ್ಮ ಅಮ್ಮ ನನ್ನಮ್ಮ

ಮರಿ ಬಿಟ್ಟು ಹಾರೋದೆ ಸರಿ ಅಂತ ಹೇಳೋದೆ
ಮಗ ಎಂದೂ ಸೋಲೋದೆ ಜಗ ತೂಗೋ ತಾಯಿಗೆ
ಸೋಲಲ್ಲು ಸುಖ ಕಾಣಲು ಬೇಕಮ್ಮ
ಅಮ್ಮ ನಿನ್ನ ಕಾವಲು ರೆಪ್ಪೇನೇ ಇರದಾದರೇ
ಒಪ್ಪೋದು ಹೇಗಮ್ಮ ಆ ಕಣ್ಣನು, ಆ ಕಣ್ಣನು
ಅಮ್ಮ ಅಮ್ಮ ಅಮ್ಮ ನನ್ನಮ್ಮ
ನನ್ನ ಬಿಟ್ಟು ಎಲ್ಲಿ ಹೋದೆಮ್ಮ
ಕೋಟಿ ದೈವ ನಿನ್ನ ಮುಂದೆ ಬೇಡವೇ ಬೇಡಮ್ಮ
ದಾಟಿ ಬಂದು ನೂರು ಗೋಡೆ ನನ್ನನು ನೋಡಮ್ಮ, ಜೋಗುಳ ಹಾಡಮ್ಮ
ಅಮ್ಮ ಅಮ್ಮ ಅಮ್ಮ ನನ್ನಮ್ಮ


ಚಿತ್ರ: ಬಿರುಗಾಳಿ.

ಯಾರೂ ಹಾಡದ...

ಯಾರೂ ಹಾಡದ ಎಲ್ಲೂ ಕೇಳದ |೨|
ಮನದಾಳದ ಆಲಾಪವೇ ಎದೆಯಾಳದ ಆತಂಕವೇ
ಮಿಡುಕಾಡಿದೆ ಹುಡುಕಾಡಿದೆ ಹಾಡಾಗಿದೆ ಈಗ |೨|
ಯಾರೂ ಹಾಡದ ಎಲ್ಲೂ ಕೇಳದ |೨|

ನಿನ್ನ ಕಣ್ಣ ದೋಣಿಯಲ್ಲೆ ನನ್ನ ಕನಸುಳಿದಿದೆ
ನಿನ್ನ ಮಿಡಿವ ಹೃದಯದಲ್ಲೆ ನೂರು ಮಾತುಳಿದಿದೆ
ಕಾಣದಂತಹ ತಾಣವನ್ನ ಸೇರುವಂತಹ ಆಸೆಗೆ
ಕಾದಿದೆ ಕಂಬನಿ ಒರೆಸುವ ಕೈಗೆ
ದೋಣಿಯೆ ಆಸರೆ ದೂರದ ಯಾನಕೆ
ಹರಿಯುವ ಮೊರೆಯುವ ತೊರೆಯೊಳಗೆ
ಯಾರೂ ಹಾಡದ ಎಲ್ಲೂ ಕೇಳದ |೨|

ನಿಮ್ಮ ದಾರಿ ನೀವೆ ತುಳಿದು ಸೇರ ಬೇಕು ಗುರಿ
ಬೆಳಗು ಗರಿಯ ಬಣ್ಣವೆಲ್ಲ ಹಾಡಿ ನಾ ಹಾಜರಿ
ಬಾನಿನ ಬಯಲಿಗೆ ಸಾರಸ ಹಾರಿವೆ
ಊರನು ಸೇರಲು ದಾರಿಯೊ ನೂರಿವೆ
ಪ್ರೀತಿಯೇ ಆಸರೆ ಬಾಳಿನ ಪಯಣಕೆ
ಮರಗಳ ನೆರಳಿವೆ ಬಿಸಿಲೊಳಗೆ
ಯಾರೂ ಹಾಡದ ಎಲ್ಲೂ ಕೇಳದ |೨|


ಚಿತ್ರ: ಕಾರಂಜಿ